30.11.2024ж күні Жамбыл жоғары медициналық колледжі мен Экономикалық тергеп-тексеру департаментімен бірлескен түсіндірме жұмыстары жүргізілді.
Бұл шарада «Закон и порядок: финансовая грамотность противодействие финансовым пирамидам, незаконному игорному бизнесу и лудомании» тақырыбында білімді әрі пайдалы мәліметтер ұсынылды. Қатысушыларға қаржылық сауаттылықты арттыру, қаржылық пирамидалармен күрес, заңсыз ойын бизнесі мен лудоманияның қауіпті салдарлары туралы жан-жақты ақпарат берілді.
Сонымен қатар, нашақорлық пен құмар ойындардың адам өміріне және қоғамға тигізетін зияны туралы да сөз болды. Бұл мәселелер тек жеке адамның ғана емес, бүкіл қоғамның денсаулығына және болашағына қауіп төндіреді. Сондықтан да, әрқайсымыз осындай теріс әсерлерден қорғану үшін бірлесіп әрекет етуіміз қажет.
Бүгінгі күні құмар ойындар мен нашақорлықтың алдын алу және онымен күресудің ең тиімді жолы — қаржылық сауаттылықты арттыру, жауапкершілікті әрі саналы түрде өмір сүруге шақыру. Қоғамда осы мәселенің маңыздылығын түсіну арқылы ғана біз келешек ұрпақтарды зиянды әдеттерден сақтай аламыз.
Түсіндірме жұмыстары аясында құнды ақпараттарды қабылдап қана қоймай, бірегей челленджді де бастадық! Бұл бастама әрқайсымызға қаржылық сауаттылықты арттыруда өз үлесімізді қосуға мүмкіндік береді. Біздің мақсатымыз – қоғамымызды саналы шешімдер қабылдауға, заңсыз әрекеттерден аулақ болуға шақыру.
Ұйымдастырушылар:
1. Жамбыл облысы бойынша Экономикалық тергеп-тексеру департаменті Ұйымдастыру-бақылау басқармасының басшысы Кенжебаев Ержан Құрманбекұлы
2. Жамбыл облысы бойынша Экономикалық тергеп-тексеру департаментінің қызметкері Исатаев Жағыпар Қожахметұлы
3. Жамбыл облысы бойынша Экономикалық тергеп-тексеру департаменті криминалистикалық бөлімінің басшысы Байдалиев Мақсат Құралбекұлы
4. Ажиханов Аскар Кадырханович, оперуполномоченный ОУ
5. Жамбыл облысы бойынша Экономикалық тергеп-тексеру Департаментінің Жедел басқармасының жедел уәкілі
6. Жамбыл облысы бойынша Экономикалық тергеп-тексеру департаментінің Аса манызды істер жөніндегі жедел уәкілі Пірімқұл Шерхан
