21.02.2022ж. Жамбыл облысы әкімі Б.М.Сапарбаевтың қабылдауында С.Ж.Асфендияров атындағы Қазақ ұлттық медицина университеті ректоры Нургожин Талғат Сейтханович және «Жамбыл жоғары медициналық колледжі» ШЖҚ КМК директоры Ж.Н.Сарыбекова болып, сенімгерлік басқару жоспарына сәйкес міндеттемелердің орындалуы бойынша есеп берді. Жоспарға сәйкес 2021 жылы С.Ж. Асфендиярова атындағы НАО КазНМУ академиялық бакалавриат бойынша «Мейіргер ісі» мамандығын бітірген, жақсы оқу жетістіктері бар колледж түлектеріне гранттар беріліп, қазіргі уақытта 24 студент университетте білім алуда. Академиялық ұтқырлық бағдарламасы бойынша 2021 жылдың 15-20 қарашасы аралығында С.Ж.Асфендияров атындағы ҚазҰМУ НАО базасында 8 студент, АЗМИ Бішкек қаласында 2 студент практикалық дағдыларды меңгерді. «Оқытудың инновациялық әдістері» тақырыбында 20 оқытушы академиялық ұтқырлық бойынша С.Д.Асфендияров атындағы ҚазҰМУ НАО базасында шеберлік сыныбынан өтті. Денсаулық сақтау саласындағы ғылыми-зерттеу институттары мен ғылыми орталықтарының мамандарымен семинарлар, шеберлік сыныптары және т.б.өткізіліп, 21 оқытушы онлайн форматта біліктілігін арттырды.

Қазіргі таңда 2021 жылға жоспарланған тәжірибелік кабинеттерді интерактивті жабдықпен және симуляциялық орталық станциясын манекендер, тренажерлар, фантомдармен жабдықтау жұмыстары толығымен орындалды. Мысалы, «Жаңа туған нәрестенің күтімі мен жағдайын бақылауға арналған манекен», «Күтім дағдыларын жаттықтыруға арналған манекен, толық метражды Кейко манекені», Пирогов-1 «Интерактивті анатомиялық үстелі» алынды.

2021 жылы Жамбыл облысы медициналық ұйымдарынан 262 маман біліктілігін арттыру циклдарынан өтті, оның ішінде дәрігерлер – 140, медбикелер-122.

Жамбыл облысы әкімі Б.М.Сапарбаев Жамбыл облысы денсаулық сақтау саласының дамуына, медициналық мамандардың тапшылығын жою мәселесін шешуге С.Ж.Асфендияров атындағы Қазақ ұлттық медицина университетінің қосатын үлесі зор екенін айтты және екі оқу орын басшыларына бірқатар тапсырмалар берді.