«Жас талант – 2024»:
Колледждің жаңа жұлдыздары жарыққа шықты!

19.11.2024ж күні колледжішілік өткен «Жас талант 2024» байқауы жаңа шығармашылық күштер мен болашақ колледж жұлдыздарын танытты! Байқау төрт номинация бойынша ұйымдастырылып, әр қатысушы өз өнерімен көрермендерді таңқалдырды:

1. Вокал – дауысының күші мен мәнерлілігімен ерекшеленген дарынды әншілер.
2. Хореография – би қимылдарымен жүректерді баурап алған үздік бишілер.
3. Мәнерлеп оқу – сөздің күшін сезіндіре алған шебер оқушылар.
4. Аспапта ойнау – музыкалық аспаптармен жанының тереңдігін көрсеткен таланттар.

Өнердің түрлі саласында өзіндік қолтаңбаларын қалдырған қатысушыларымыздың әрбір қойылымы шынайы шабыт пен құштарлыққа толы болды. Әрбір жеңімпаз тек өзіне тән ерекше қасиеттері мен қажырлы еңбегінің арқасында биік белестерді бағындырды.

Жүлделі орындар мен кубоктар әділ қазылардың шешімімен табысталып, байқау қатысушыларының еңбегі лайықты бағаланды. Бұл байқау тек алғашқы қадам ғана, ал алда талай жеңістер мен шығармашылық белестер күтіп тұр!

Жүлдегерлерді Ж.Н.Сарыбекова марапат қағаздарымен құттықтап, студенттік ұйымынан бағалы сыйлықтар берілді.

Барлық қатысушыларға шығармашылық табыс тілейміз, ал жеңімпаздарды тағы да құттықтаймыз!