2018 жылдың   2018 жылдың 20 қарашасында БЖЗҚ-ның облыстық филиалында «БЖЗҚ барлық салымшыларға қолжетімді» тақырыбында өткен ашық есік күніне  Жамбыл медициналық колледжінің «Фармация» бөлімінің №430, №431, «Мейіргер ісі» бөлімінің №216 топ студенттері және фармацевтикалық пәндер оқытушылары        Фирсенко Е.Л, Ахметова У.М, Бексейіт Ж.Қ қатысты. Ашық есік күні тұрғындардың сенімдерін арттыру мақсатында өткізілді. Бұл күні барлық Қазақстандықтар БЖЗҚ филиалдарына келіп, республикамыздың зейнетақы жүйесіне қатысты сауалдарына жауап ала алады. Атап айтатын болсақ  қор қызметкерлері шараға қатысушыларды зейнетақы жарналарының түрлерімен және жеке зейнетақы шотының жай-күйі туралы ақпарат алу әдістерімен таныстырады.

Зейнетақы жүйесін түпкілікті білу өскелең ұрпақ үшін де маңызы зор, өйткені жастардың азаматтық жауапкершілігін  дамытуға және болашаққа деген сенімділігін арттыруға ықпалын тигізеді. Осы күні студенттерге тақырып бойынша мағлұмат берілді, сосын викторина және сауалнама-пікір өткізілді. Кездесу соңында қатысушыларға және студенттерге «БЖЗҚ» қоры атынан мақтау грамоталары берілді.