#Адал Азамат # қараша#  Дүниежүзілік ЖИТС-пен күресу күніне орай  2025 жылдың 26 қараша күні 102М-9/25 топ студенттері оқу-тәрбие жұмысы шеңберінде СПИД-орталығына барып, танымдық экскурсияға және орталық мамандарының ақпараттық-сауаттандыру лекциясына қатысты. Іс-шара барысында орталық қызметкерлері студенттерге АИТВ/ЖИТС туралы дұрыс ақпарат беріп, жұқпаның алдын алу жолдары, қауіпсіздік мәдениеті және өз денсаулығына жауапкершілікпен қараудың маңызы туралы кеңінен түсіндірді. Студенттер орталықтың жұмысы, зертханалық диагностиканың қалай жүргізілетіні және профилактикалық бағдарламалардың маңыздылығымен танысты. Сонымен қатар, жастар өздерін қызықтырған сұрақтарын қойып, кәсіби мамандардан нақты жауаптар алды. Бұл кездесу студенттердің медициналық сауаттылығын арттырып, денсаулыққа деген саналы көзқарасын қалыптастыруға үлкен үлес қосты.

Жауапты: әлеуметтік педагог А.А.Буксукбаева