28 қазан 2026 жылы Жамбыл жоғары медициналық колледжінде Қазақстан Президенті Қасым-Жомарт Тоқаевтың «Жаңа тарихи кезеңдегі Қазақстанның өзекті міндеттері» атты Жолдауының тікелей эфирі сағат 11:00-де онлайн трансляциясы өтті. Іс-шараға колледж әкімшілігі, оқытушылары мен студенттері қатысты. Жолдауда әлеуметтік инфрақұрылымды жаңғырту, соның ішінде білім беру мен медицина салаларын сапалы дамыту басты бағыттардың бірі ретінде айқындалды.

           Медицина және денсаулық сақтау саласы:

• Жалақыны 40%-ға дейін арттыру: 2027 жылдың 1 қаңтарынан бастап алғашқы медициналық-санитарлық көмек (АМСК) жүйесіндегі учаскелік қызмет мамандарының жалақысы үздіксіз еңбек өтіліне қарай 40 пайызға дейін өседі. Бұл 77 мыңнан астам маманның табысын арттыруға мүмкіндік береді.
• Ауқымды инфрақұрылымдық құрылыс: «Жалпыхалықтық ауқымды құрылыс» бағдарламасы аясында аймақтарда 70-ке жуық жаңа денсаулық сақтау нысаны салынады. Олардың ішінде заманауи перзентханалар, ауруханалар, жедел жәрдем станциялары, 8 жаңа перинаталдық орталық және бірнеше көпбейінді балалар ауруханасы (Атырау, Ақтөбе, Алматы, Шымкент, Семей, Ақтау және т.б.) бой көтереді.
• Психологтар мен әлеуметтік қызметкерлерді қолдау: Емханалардағы емдеу жүйесінің бастапқы буынында қызмет ететін мамандарға психоэмоциялық жүктемесі үшін қосымша ақы енгізу мәселесі қарастырылуда.
• АМСК жүйесін жаңғырту: Жалпы практика дәрігерлерінің өкілеттігі кеңейтіліп, бұл бағытты қаржыландыру көлемі кезең-кезеңімен ұлғайтылады.

 

Білім беру саласы:

• Жаңа білім беру нысандарының құрылысы: Өңірлердегі тапшылықты жою мақсатында 50-ге жуық жаңа білім беру, спорт және мәдениет мекемелерінің құрылысы басталады. Оның ішінде ерекше қажеттіліктері бар балалардың сұранысына сай келетін заманауи нысандарға басымдық беріледі.
• Медициналық білім беруді реформалау: Болашақ дәрігерлер мен педиатрларды даярлау сапасын арттыру үшін клиникалық тәлімгерлік институты енгізіледі. Тәжірибелі дәрігерлер интерндер мен резиденттерге бағыт-бағдар беріп, ол үшін оларға қосымша ақы төленеді.
• Жасанды интеллектіні оқу жүйесіне енгізу: Білім беру бағдарламаларына, соның ішінде медициналық ЖОО-ларға заманауи технологиялар мен жасанды интеллект құралдарын қолдану пәндері белсенді түрде біріктіріле бастайды.

 

Іс-шара соңында № 1 әлеуметтік-экономикалық, жалпы  білім  беру  және  жалпы  ізгілендіру пәндері циклдік әдістемелік комиссиясының Мемлекет басшысы

Қасым-Жомарт Тоқаевтың «Жаңа тарихи кезеңдегі Қазақстанның өзекті міндеттері» атты Қазақстан халқына Жолдауын насихаттауға арналған жұмыс жоспары жасалып, бекітілді.