2026 жылғы 29 қыркүйекте Жамбыл жоғары медициналық колледжінде жастар арасында қоғамдық келісім мен этносаралық татулықты нығайтуға бағытталған «Достық пен бірлік – ел тірегі» тақырыбында тағылымды кездесу өтті.

Іс-шараға «Қарашайлар мен балкарлар – Архыз» этномәдени қоғамдық бірлестігінің жетекшісі Узденова Леля Ахматовна және «Қоғамдық келісім» КММ жетекші сарапшысы Жалпанова Риана арнайы қатысып, студенттермен мазмұнды пікір алмасты.

 

Кездесу барысында қоғамдық келісім, этносаралық татулық, достық пен өзара сыйластықтың қоғам тұрақтылығын қамтамасыз етудегі маңызы кеңінен сөз болды. Қонақтар өзара құрмет пен түсіністіктің қазақстандық қоғамдағы бірлікті нығайтудағы рөліне тоқталып, жастарды ел болашағына жауапкершілікпен қарауға шақырды.

 

Колледж директорының оқу-тәрбие ісі жөніндегі орынбасары Л.Т. Қуанышбекова сөз сөйлеп, ел бірлігі мен бейбітшілікті сақтаудағы жастардың жауапкершілігіне ерекше назар аударды. Ол студенттерді қоғамдық өмірге белсенді араласуға, достық пен татулық құндылықтарын дәріптеуге үндеді.

Тағылымды кездесуді әлеуметтік педагог А.А. Буксукбаева жүргізіп, іс-шараның тәрбиелік мәніне тоқталды. Ол студенттерді татулық пен өзара құрметті бағалауға, қоғамдағы бірлік пен келісімді нығайтуға өз үлестерін қосуға шақырды.

Сонымен қатар колледж психологы К. Сүйінбекұлы студенттерге арнайы психологиялық тренинг ұйымдастырды. Тренинг барысында топтық өзара әрекеттесу, сенім, сыйластық және ынтымақтастықты нығайтуға бағытталған психологиялық жаттығулар өткізілді.

 

Ашық форматта өткен іс-шара жастардың азаматтық жауапкершілігін арттыруға, этносаралық татулық пен қоғамдық келісім құндылықтарын дәріптеуге мүмкіндік берді.

«Бірлік бар жерде – береке бар» қағидасын арқау еткен тағылымды кездесу студенттерге достық, өзара түсіністік пен ынтымақтастықтың ел тұрақтылығы мен қоғамдық келісімді нығайтудағы маңызын терең түсінуге ықпал етті.

 

Жауаптылар:
Тәрбие бөлімінің меңгерушісі – Ж. Айдабосынова
Әлеуметтік педагог – А. Буксукбаева