Бөлімдер

Мамандығы: 030100 0 – «Емдеу ісі»

Біліктілігі: 030101 3 – «Фельдшер»

«Фельдшер» біліктілігіне арналған оқу  бітірушілердің кәсіптік  қызметтерінің түрлері:

• ауруханаларда, емханаларда, дәрігерлік амбулаторияларда (ДА), фельдшерлік-акушерлік пункттерде (ФАП), медициналық-санитарлық алғашқы жәрдем (МСАЖ) орталықтарында емдік-диагностикалық  шараларға, әртүрлі жас аралықтарында  науқастарға алғашқы медициналық және санитарлық көмек көрсетуге қатысу;
• Шұғыл және келеңсіз жағдайларда дәрігерлерге дейінгі алғашқы медициналық көмек көрсету, науқастың жағдайын бағалау;
• Медициналық мекемелерде санитарлық-гигиеналық және эпидемияға қарсы режимді сақтау;
• Эпидемияның шұғыл жағдайында жаппай зақымдану ошағындағы тұрғындарға медициналық көмек көрсету;
• Жаңа ақпараттық технологияларды, әдістемелерді, ақпараттарды беру және сақтауды қолдану;
• Науқасты реабилитациялауға және әлеуметтік қорғаныс органдарының, қайырымдылық қызметтерімен бірлесіп интернат үйлеріне, жалғызбастылар хоспистеріне, қарттарға, мүгедектерге және созылмалы ауруы бар науқастарға көмек көрсету және орналастыруды ұйымдастыруға қатысу;
• Науқастармен және олардың жанұяларымен бірігіп жұмыс жасау, науқастың құқығын сақтау және әртүрлі жас топтарындағы тұрғындардың денсаулығын демеу және нығайту жөнінде шаралар жүргізу;
• Науқастардың денсаулығы үшін қатерлі ықпалдар (физикалық, психикалық, әлеуметтік, экологиялық және т.б) жөніндегі және осы ықпалдардың денсаулыққа әсері жөніндегі сұрақтар бойынша тұрғындарға кеңес беру;
• Әр жас кезеңіндегі науқасты және оның жанұясын денсаулық сақтау мәселелері бойынша оқыту, күтім көрсету;
• Ерте жастағы балаларды тамақтандыру (емшек сүтімен, қосымша), психоәлеуметтік дамуы, шынықтыру, балаларды мектепке дейінгі мекемелерге, мектепке, кәсіптік бейімдеу мәселелері бойынша кеңестер жүргізу;
• Әр жас кезеңіндегі балалардың нервтік-психикалық дамуы, иммунопрофилактика, диспансерлік бақылау жөніндегі сұрақтар бойынша кеңес беру;
• Қазіргі тәсілдерді қолдана отырып диагностикалау және салыстырмалы диагностика жүргізу, сондай ақ балаларда жиі кездесетін ауруларды емдеу және алдын-алуды жүзеге асыру;
• Алғашқы медициналық-санитарлық ұйымдарда нормативтік құжаттарды рәсімдеу;
• Қызметтестермен брігу және бірлесе жұмыс істеу;
• Аурудың алдын алу және салауатты өмір салтын насихаттау.